ဖမ်းဆီးမှုတွေကို ထိုင်းစစ်တပ် ဆက်လုပ်နေတဲ့အပေါ် လူ့အခွင့်အရေးအဖွဲ့တွေက ကန့်ကွက် ရှုတ်ချ
ဖမ်းဆီး ခံခဲ့ရသူတွေကိုထဲက အများအပြားကို ပြန် လွှတ်ပေးခဲ့ပေမဲ့ တချို့ကို ဘယ်မှာ ထိန်းသိမ်းထားတယ် ဆိုတာ ဖွင့်မပြောဘဲ မိသားစု ဝင်တွေ၊ ရှေ့နေတွေ နဲ့ တွေ့ဆုံခွင့်လည်း မပေးခဲ့ပါဘူး။ အခုလို ဘယ်ရောက်နေမှန်း မသိဘဲ ပျောက်ဆုံးသွားတာနဲ့ ကျဘန်း လိုက်လံ ဖမ်းဆီးနေတာတွေကို ရပ်ဆိုင်းဖို့ စစ်ခေါင်းဆောင်တွေကို Human Rights Watch လူ့အခွင့်အရေး အဖွဲ့ကြီးက ဗုဒ္ဓဟူးနေ့မှာ တောင်းဆိုလိုက်ပါ တယ်။
အထူးသဖြင့် မေလ ၂၈ ရက်နေ့က စစ်သားတွေ ဖမ်းဆီးသွားခဲ့တဲ့ ရှပ်နီအဖွဲ့က အသက် ၂၇ နှစ်အရွယ် တက်ကြွလှုပ်ရှားသူ Kritsuda Khunasen အတွက် အထူးစိတ်ပူကြောင်း ပြောကြားခဲ့ပါတယ်။ စစ်အုပ်ချုပ်ရေးအောက်မှာ လူတယောက်ကို ၇ ရက်ပဲ ဖမ်းထားခွင့်ရှိပေမဲ့ အခုထိ သူ့ကို လွှတ်မပေးသေးဘူးလို့ ဆိုပါတယ်။
စစ်တပ်အနေနဲ့ သူ့လို တက်ကြွလှုပ်ရှားသူတွေကို ဘယ်မှာ ဖမ်းဆီးထားတယ် ဆိုတာကို ထုတ်မပြောတဲ့အတွက် သူတို့ရဲ့ အသက်အန္တရာယ်အတွက် အထူးစိတ်ပူရကြောင်း လူ့အခွင့်ရေးအဖွဲ့ရဲ့ အာရှတာဝန်ခံ Brad Adams က ပြောပါတယ်။
0 မှတ်ချက်များ for "ဖမ်းဆီးမှုတွေကို ထိုင်းစစ်တပ် ဆက်လုပ်နေတဲ့အပေါ် လူ့အခွင့်အရေးအဖွဲ့တွေက ကန့်ကွက် ရှုတ်ချ "