ကထစမှူးက ဗမာစစ်တပ်ဖွဲ့ဝင် ခရစ္စယာန် ဘာသာသူ တွေကို ဆဲဆို

8:36 AM | : မြန်မာ, သတင်း | :KayanTimes

နိုဝင်ဘာလ ၄ ရက်နေ့ကတည်းက ချင်းပြည်နယ် အတွင်း ရောက်ရှိနေသည့် ကာကွယ်ရေးဝန်ကြီး ဌာန၊ စစ်ဆင်ရေး အထူးအဖွဲ့(၁) ဒုတိယဗိုလ်ချုပ် ကြီးမြင့်စိုးသည် နိုဝင်ဘာ ၇ ရက်နေ့ ဟားခါး မြို့ရောက် ရှိစဉ်အတွင်း တပ်တွင်းကန့် တောပွဲတွင် ဗုဒ္ဒ နှင့် ခရစ်ယာန် ဘာသာဝင်များအပေါ် ခွဲခြား ဆက်ဆံမှု ပြသလိုက်သည်ဟု သိရသည်။

ဖြစ်စဉ်မှာ ကထစမှူးသည် ဟားခါးမြို့ရောက်ရှိစဉ် တပ်တွင်း ဗုဒ္ဒဘာသာဝင်မိသားစုများက ကန့်တော့ ခဲ့သလို တပ်တွင်း ခရစ်ယာန်ဘာသာဝင်မိသားစုများ ကလည်း ကန့်တောပွဲပြုလုပ်ခဲ့ကြ ရာ ဗုဒ္ဒ ကျင့်ထုံးအတိုင်း လက်အုပ်ချီ ဦးညွတ်မကန့် တော့သည်ကို အင်မတန်ဒေါသထွက်ခဲ့သည်။

“ ခင်ဗျားတို့ ခရစ်ယာန်တွေဟာ ဗုဒ္ဒတွေလို လက်အုပ်ချီပြီး ဦးညွတ်မကန့်တော့ဘူး၊ ငါ့ကို မကန်တော့ချင် ယင် တပ်ထဲမှာ နေဘို့မလိုဘူး၊ ထွက်သွားကြ၊ ချင်းတွေဟာ လူဦးရေနည်းပေမဲ့ စိတ်ကြီးတယ်လို့ ဆဲဆိုသွားတယ်” ဟု ခလရ ၂၆၆ မှ အမည်မဖော်လိုသူ တပ်မိသားစု အသိုင်း အ၀ိုင်းတဦးက ပြောသည်။

ထို့အပြင် ကထစမှူးသည် ဗုဒ္ဒလို မကျင့်သူတွေကို ရှေ့တန်းနယ်မြေကိုပို့ထားဖို့၊ ခရစ်ယာန်တွေ ကို နောက်တန်းမှာ ထားယင် ဗုဒ္ဒတွေ ခရစ်ယာန်ဖက် ပြောင်းကုန်လိမ့်မယ်၊ အစုလိုက်နဲ့လည်း ဘုရားမရှိခိုးပဲကိုယ့်အိမ်မှာပဲ ရှိခိုးကြဖို့ ဆက် ပြောသွားကြောင်း ဆိုသည်။

သို့သော် နိုဝင်ဘာလ ၉ ရက်နေ့ မတူပီမြို့ဘုံတလာခန်းမအတွင်း မိန့်ခွန်းတွင်မူ ချင်းလူမျိုးတွေ ကို ချစ်ခင်လေးစား ကြောင်း၊ ချင်းလူမျိုးတွေဟာ ကိုယ်ထူ ကိုယ်ထ အလုပ်ကြိုးစားသူများဖြစ်ကြ ပြီး စိတ်ထားဖြူစင်ရိုးသားသူများဖြစ်ကြောင်း ပြောခဲ့သည်။

ဒုတိယဗိုလ်ချုပ်ကြီးမြင့်စိုးသည် ထန်တလန်မြို့ပေါ် Thantlang Baptist Church ( TBC) တွင် ခရစ်ယာန် ဘာသာရေး ခေါင်းဆောင်များနှင့် ငြိမ်းချမ်းရေးအတွက် ဘုရားဝတ်ပြုစဉ် ဗွီဒီယိုမှတ် တမ်း င်သူကို မှတ်တမ်းတင်ရကောင်းလား ဆိုပြီး နှစ်ရက်လုံးလုံး ထမင်းအငတ်ထားကြောင်း သိရပြန်သည်။

ဗိုလ်ချုပ်ကြီးသည် ဖလမ်းမြို့သို့ရောက်ရှိစဉ်တွင် ဖလမ်းနှစ်ခြင်းခရစ်ယာန်ဘုရားကျောင်း များ သို့သွားရောက်သည့်အပြင် ခရစ်ယာန်ဂိုဏ်းပေါင်းစုံ ဆရာကြီးများနှင့် တွေ့ဆုံခဲ့သည်။

“ ကထစမှူးလုပ်ရပ်ဟာ ကျမတို့ တပ်တွင်း ခရစ်ယာန်ဘာသာဝင်တွေအင်မတန်စိုးရိမ်ကြတယ်၊ ကျမတို့ ယောင်္ကျား တွေကို ရှေ့တန်းပို့တော့ မလား မသိတော့ဘူး” ဟု ပြောသည်။

ကထစမှူးသည် ချင်းပြည်နယ်အတွင်း ရောက်ရှိစဉ်တွင် ဒေသခံအချို့အား ဆန်၊ ချုံစောင်၊ နှမ်းဆီ၊ တပ်မတော်ရမ်၊ ဆေးဝါးများ ထောက်ပံ့ပေးခဲ့ပြီး ဒေသခံများအား အခမဲ့ ဆေးဝါးကုသပေးခဲ့သည်။

http://khonumthungburmese.org/?p=873