နှလုံး ရောဂါကြောင့် အသက် မဆုံးစေရေး

9:26 PM | : ကျန်းမာသုတ | :KayanTimes

ကမ္ဘာပေါ်မှာ နှလုံးနဲ့သွေးကြောဆိုင်ရာ ရောဂါတွေကြောင့် လူတွေအများဆုံး အသက်ဆုံးရှုံးနေရတယ်လို့ WHO ကမ္ဘာ့ ကျန်းမာရေးအဖွဲ့ကြီးက သတိပေးထားပါတယ်။

အခုလို သေဆုံးမှု့ ဖြစ်စေနိုင်တဲ့ နှလုံးနဲ့ သွေးကြောရောဂါတွေ ထဲက တခုဖြစ်တဲ့ နှလုံးအဓိက သွေးကြောကြီး (Coronary Artery) ပုံမှန်မဟုတ်ဘဲ ဖောင်းလာတာကို ကမ္ဘာမှာ ပထမဆုံး အကြိမ်အဖြစ် ရင်ခေါင်းဖွင့် ခွဲစိတ် ကုသစရာမလို ဘဲ အောင်
မြင်စွာ ကုသပေးနိုင်လိုက်နိုင်တာကို အမေရိ ကန် နှလုံးကု ဆရာ ဝန်များ အသင်းဂျာနယ် (American Heart Associa tion Journal – Circulation Intervention) မှာ ဖေဖေါ်ဝါရီ လက ဖော်ပြလိုက်ပါတယ်။

အမေရိကန်နိုင်ငံ အဆင့်မြင့်ဆေးရုံကြီးတခုက နှလုံးအထူးကု မြန်မာဆရာဝန် ဒေါက်တာထွဋ်ကျော်ဝင်း ဦးဆောင်ခဲ့တဲ့ ဒီ ကုသမှု့သစ်ကြောင့် ဒီသွေးကြောဖောင်းရောဂါ (Coronary Aneurysm) မှာ အထူးသဖြင့် ရင်ခေါင်းဖွင့်ခွဲတဲ့ကုသမှု့ ခံယူလို့မရနိုင်သူတွေအတွက် သတင်းကောင်းတရပ်ဖြစ်သလို၊ မြန်မာပြည်အတွက် လည်း ဂုဏ်ယူစရာ ဖြစ်ပါတယ်။

ဒီသွေးကြောဖောင်း ရောဂါအပါအဝင် နှလုံးသွေးကြောပိတ်တာတွေ အားလုံးကြောင့် သေနှုန်းနဲ့ နှလုံး ဒဏ် ရာရနှုန်းတွေ ကျဆင်းသွားရအောင် တဖြည်ဖြည်းခြင်း သွေးကြောထဲနုံးတင်သလို ဖြစ်လာတဲ့ ရောဂါ (Stable Angina) လက္ခဏာတွေ ပြလာချိန်မှာ ဆေးစစ်ကုသမှု့ စတင် ခံယူဖို့ အရေးကြီးပါတယ်။

တကယ်လို့ ဒီကနဦးအဆင့်မှာ မကာကွယ်နိုင်ဘဲ၊ နှလုံးသွေးကြောပိတ်လိုက်၊ ပွင့်လိုက်ဖြစ်တဲ့အဆင့် (Unst able Angina) ကို ရောက်လာရင်လည်း ဒီအဆင့် လက္ခဏာတွေပြလာရင် ဆရာဝန်အမြန်ပြဆေး စစ်ပြီး၊
သွေးကြောပိတ်တဲ့ ပမာဏအဆင့်အလိုက် ဆေးစားတာ (သို့မဟုတ်) ရင်ခေါင်းဖွင့် ခွဲကုစရာမလိုတဲ့ သွေး
ကြောဖွင့် ဆေးပစ္စည်းထည့် ကုသတဲ့နည်းနဲ့၊ ပုံမှန်လူတယောက်လို ဆက်ရှင်သန်နေထိုင် သွားနိုင်အောင် ကုသကာကွယ် ပေးနိုင်ပါတယ်။ ဒါပေမဲ့ ဒီအဆင့်မှာက ရောဂါအခံရှိသွားပြီမို့ ရောဂါပိုဆိုး မသွားအောင် အရေးကြီးတဲ့ နေပုံထိုင်ပုံပြောင်းဖို့ ဥပမာ ဆေးလိပ်ဖြတ်လိုက်ဖို့တော့ လိုပါတယ်။

အခုလို ဆေးလိပ်ဖြတ်တာအပြင် အခြားကာကွယ်နိုင်တာတွေကိုလည်း ဆရာဝန်အကြံပေးတဲ့အတိုင်း၊ ဥပမာ သတ်သတ်မှတ်မှတ် အစာတွေရှောင်တာ၊ အားကစား လိုက်စားတာနဲ့၊ နှလုံးရောဂါမျိုးရိုး ရှိထားသူတွေ အတွက်တော့ ကာကွယ်ဆေးစားတာတွေ လုပ်ပေးဖို့လိုပါတယ်။

အခုလို ကာကွယ်ကုသမှု့တွေ လုပ်ခြင်းအားဖြင့် နှလုံးသွေးကြော လုံးဝပိတ်သွားပြီး သေစေနိုင်တဲ့ (သို့) နှလုံး
ပြင်းပြင်းထန်ထန် ဒဏ်ရာရစေနိုင်တဲ့ အပြင်းထန်ဆုံးအဆင့်ကို မရောက်အောင် ကာကွယ်ပေးနိုင်မှာ ဖြစ် ပါတယ်။ ဒီ လုံးဝပိတ်တဲ့ အဆင့်ရောက်သွားရင်က အချိန်လုပြီး သွေးကြော အမြန်ပြန်ဖွင့်ပေးဖို့ အရေးပေါ် လုပ်ရတာဖြစ်ပြီး၊ ၁၂ နာရီအတွင်း မဖွင့်ပေးနိုင်ပါက တိမ်းပါးသွားတာ၊ နှလုံးပျက်သွား တာ ဖြစ်စေနိုင်ပါ တယ်။

အခုလို အဆိုးဆုံးအဆင့် မရောက်အောင် ကာကွယ်ကုသနိုင်တာတွေသိရဖို့ မြန်မာနိုင်ငံ မှာ ဆေးကျောင်း ပြီးခဲ့ပြီး၊ အမေရိကန်နိုင်ငံ Houston မြို့  Methodist DeBakey Heart & Vascular Center ဆေးရုံမှာ အလုပ်လုပ်နေတဲ့ နှလုံးကုထုံးသစ် ခွဲစိတ်အထူးကု (Interventional Cardiologist) ဒေါက်တာ ထွဋ်ကျော် ဝင်းကပြော်ပြထားပါတယ်။