တောင်ဆူဒန်သမ္မတနဲ့ သူပုန်တပ်ဖွဲ့တွေအကြား အပစ်ရပ်ရေး သဘောတူညီမှုရ

5:30 PM | : သတင်း, နိုင်ငံတကာ | :KayanTimes

တောင်ဆူဒန်နိုင်ငံမှာ လူမျိုးစုတွေအကြား လနဲ့ချီဖြစ် ပွားနေတဲ့ တိုက်ပွဲတွေ အဆုံးသတ်ရေး နိုင်ငံတကာ က ဖိအားပေးမှုတွေ တိုးမြင့်လာပြီးတဲ့နောက်
တောင်ဆူဒန်သမ္မတနဲ့ သူပုန်တပ်ဖွဲ့တွေအကြား အပစ်အခတ်ရပ်စဲရေးအတွက် သဘောတူ လိုက်ကြပြီ ဖြစ်ပါတယ်။

လွန်ခဲ့တဲ့ ၅ လလောက်က အကြမ်းဖက်တိုက်ခိုက် မှုတွေ စတင်ခဲ့ပြီးတဲ့နောက် ပထမဆုံးအကြိမ်အဖြစ်
တောင်ဆူဒန်သမ္မတ Salva Kiir (ဆယ်လ်ဗာ ကီးယား) နဲ့ သူပုန်ခေါင်းဆောင် Riek Machar တို့ မျက်နှာ ချင်းဆိုင်တွေ့ဆုံပြီး လက်ဆွဲ နှုတ်ဆက်ခဲ့ကြတယ်လို့ အီသီယိုးပီးယားနိုင်ငံ Addis Ababa မြို့မှာ စေ့စပ် ညှိနှိုင်းပေးသူတွေက ပြောပါတယ်။

ခေါင်းဆောင် ၂ ဦးစလုံးက အပြန်အလှန် တိုက်ခိုက်မှုတွေကို အဆုံးသတ်ကြဖို့ သဘောတူလိုက်တယ်လို့ အရှေ့အာဖရိက IGAD အဖွဲ့က စေ့စပ် ညှိနှိုင်းရေးမှူးတွေက ပြောပါတယ်။

ဒါ့အပြင် အသွင်ကူးပြောင်းရေးအစိုးရ ဖွဲ့စည်းတာက အကောင်းဆုံးနည်းလမ်း ဖြစ်တယ်ဆိုတာကိုလည်း ၂ ဦးစလုံးက သဘောတူခဲ့တယ်လို့ ဆိုပါတယ်။ ကြားဖြတ်အစိုးရအတွင်း ဘယ်သူတွေပါမယ်ဆိုတာတော့ ရုတ်တရက် မသိနိုင်သေးပါဘူး။

ဆွေးနွေး ညှိနှိုင်းမှုတွေ လနဲ့ချီကြာခဲ့တဲ့အတွက် အကြမ်းဖက် တိုက်ခိုက်မှုတွေကြောင့် လူတွေ ထောင်နဲ့ချီ
သေဆုံးပြီး တစ်သန်းကျော်လောက်လည်း အိုးမဲ့အိမ်မဲ့ ဖြစ်ခဲ့ရပါတယ်။