ခွဲထွက်ရေးသမားနှိမ်နှင်းတဲ့ ယူကရိန်းအစိုးရကို ရုရှားရှုတ်ချ
ယူကရိန်းအရှေ့ပိုင်းမှာ လုံခြုံရေးအရ စစ်ဆင်ရေး ဆင်နွဲနေမှုဟာ အစိုးရက သူ့ပြည်သူတွေကို တိုက်ပွဲ ဆင်နေတာပဲလို့ ရုရှားနိုင်ငံခြားရေး ဝန်ကြီး ဆာဂေရီ လက်ဗ်ရော့ဗ်က ပြောဆို ရှုတ်ချ လိုက်ပါတယ်။
ဒီလိုကြီးလေးတဲ့ ပြစ်မှုအတွက် တရားဥပဒေအရ ရင်ဆိုင်ရလိမ့်မယ်လို့လည်း သူက ပြောပါတယ်။
"တင့်ကား ၁၆၀၊ လက်နက်ကိုင် တပ်ဖွဲ့တွေကို တင်ဆောင်တဲ့ စစ်ကား၂၅၀၊ စစ်ရေးလက်နက်ကြီးတွေ လေယာဉ်တွေနဲ့ သူတို့ဟာ လူတွေကို စစ်ဆင်နေ တာ ဖြစ်တယ်။ ဒီလိုသုံးဖို့ စစ်တပ်ကို တွန်းအားပေး သူတွေဟာ တရားဥပဒေနဲ့ ရင်ဆိုင်ရလိမ့်မယ်။"
ဒါ့အပြင် လွန်ခဲ့တဲ့ သီတင်းပတ်က ဂျီနီဗာမှာ သဘောတူခဲ့တဲ့ ပဋိပက္ခ လျော့ကျရေးနဲ့ ပတ်သက်ပြီး ရုရှားက ပံ့ပိုးပေးမယ်လို့လည်း မစ္စတာ လက်ဗရော့ဗ်က ပြောပါတယ်။
ဒါပေမယ့် ယူကရိန်း ဝန်ကြီးချုပ် Arseny Yatsenik ကတော့ ရုရှားအစိုးရဟာ ယူကရိန်းကို စစ်ရေးနိုင်ငံရေး အရ သိမ်းပိုက်ပြီး တတိယကမ္ဘာစစ် စတင်လိုနေတာလို့ ပြောပါတယ်။
အစောပိုင်းကလည်း အမေရိကန် နိုင်ငံခြားရေး ဝန်ကြီး John Kerry က ယူကရိန်း တင်းမာမှု ပြေလျော့အောင် ကူညီဆောင်ရွက်ဖို့ သဘောတူညီခဲ့တဲ့ နောက်ပိုင်းမှာ ရုရှားဘက်က အပြုသဘော လုပ်ဆောင်မှုတစ်ခုမှ မရှိခဲ့ဘူးလို့ စွပ်စွဲ ပြောဆိုခဲ့ပါတယ်။
0 မှတ်ချက်များ for "ခွဲထွက်ရေးသမားနှိမ်နှင်းတဲ့ ယူကရိန်းအစိုးရကို ရုရှားရှုတ်ချ "