ခရိုင်းမီးယားကယက်ကြောင့် ရုရှမှာကျင်းပမယ့် G 8 အစည်းအဝေးကို ဖျက်သိမ်း

8:10 AM | : သတင်း, နိုင်ငံတကာ | :KayanTimes

သည်ဟိဂ်မြို့က G 7 အစည်းအဝေး

ခရိုင်းမီးယားကို သိမ်းသွင်းမှုကြောင့် ရုရှမှာ ဇွန်လ ကျင်းပမယ့် G 8 အစည်းအဝေးကို ဖျက်သိမ်းလိုက်ပြီလို့ ဂျာမနီ ဝန်ကြီးချုပ် အန်ဂလာမာကဲက ပြောဆိုလိုက်ပါတယ်။

နိုင်ငံရေးအနေအထား ယိုယွင်း နေချိန်မျိုးမှာ G8 ဆိုတာ မရှိတော့ကြောင်း မစ္စစ်မာကဲက သည်ဟိဂ်မြို့က G 7 အစည်းအဝေးမှာ ပြောကြား ခဲ့တာ ဖြစ်ပါတယ်။

G 8 က ထုတ်ပစ်လည်း ဝမ်းနည်းစရာမရှိကြောင်း ရုရှနိုင်ငံခြားရေးဝန်ကြီး ဆာဂေလာဗရော့ဗ်က တုံ့ပြန်
ပြောကြားပါတယ်။

အဏုမြူလုံခြုံရေး ထိပ်သီးဆွေးနွေးပွဲ တက်ဖို့သည် ဟိဂ်မြို့မှာပဲ ရှိနေတဲ့ မစ္စတာ လာဗရော့ဗ်က ယူကရိန်း နိုင်ငံခြားရေးဝန်ကြီး Andriy Deshchytsia ကို သီးခြား တွေ့ဆုံခဲ့ပါတယ်။

ဒီအချိန်မှာပဲ အမေရိကန် ပိတ်ဆို့မှုကို မထီမဲ့မြင် ပြုတဲ့သဘောနဲ့ စီးပွားရေး ဒဏ်ခတ် ပိတ်ဆို့ခံရတဲ့ Rossiya ဘဏ်မှာ ရုရှသမ္မတ မစ္စတာ ပူတင်က ဘဏ်စာရင်း အသစ်ဖွင့်ခဲ့ပါတယ်။