၂၀၀၈ အခြေခံဥပဒေ ပြန်သုံးသပ်မည့်အပေါ် အမြင်သဘောထားများ
 |
| (၀ဲမှယာ-သခင်ချန်ထွန်း၊ ဦးတင်ဦး၊ ဦးခင်မောင်ဆွေ၊ အောက်ပုံ ဦးဂျင်မီ၊ ဒေါက်တာအေးမောင်၊ ဦးစိုင်းညွန့်လွင်) |
၂၀၀၈ ခုနှစ် ဖွဲ့စည်းပုံအခြေခံဥပဒေကို ပြင်ဆင်ဖို့ ဖွဲ့စည်းပုံအခြေခံဥပဒေ လေ့လာ သုံးသပ်ရေးကော်မတီ နဲ့ ကော်မရှင်များ ဖွဲ့စည်းဆောင်ရွက်ရေး အရေးကြီး အဆိုကို ပြည်သူ့လွှတ် တော်က သဘောတူလိုက် ပါတယ်။
ဒီနေ့ပြုလုပ်တဲ့ ပြည်သူ့လွှတ်တော် အစည်းအဝေးထဲ မှာ ၀က်လက်မြို့နယ် ပြည်သူ့ လွှတ်တော်အမတ် သူရ ဦးအေးမြင့်က အရေးကြီး အဆိုတင်သွင်းခဲ့တာဖြစ်ပြီး
မြစ်ကြီး နားမြို့နယ် ပြည်သူ့လွှတ်တော်အမတ် ဦးသိန်းဇော်က ထောက်ခံဆွေးနွေးခဲ့တာပါ။
မြစ်ကြီး နားမြို့နယ် ပြည်သူ့လွှတ်တော်အမတ် ဦးသိန်းဇော်က ထောက်ခံဆွေးနွေးခဲ့တာပါ။
ဒီအခြေအနေတွေနဲ့ပတ်သက်ပြီး ၀ါရင့်နိုင်ငံရေးသမား ကြီး သခင်ချန်ထွန်း၊ နိုင်ငံရေးပါတီအသီးသီးနဲ့ ၈၈ မျိုးဆက် (ငြိမ်းချမ်းရေးနဲ့ ပွင့်လင်းလူ့အဖွဲ့အစည်း)ရဲ့ အမြင် သဘောထားအချို့ကို ဆက်သွယ်မေးမြန်း ထားပါတယ်။
ဦးတင်ဦး (အမျိုးသားဒီမိုကရေစီအဖွဲ့ချုပ် နာယက)
“ကျနော်တို့က ၂၀၀၈ သူတို့ လူထုဆန္ဒခံယူပွဲကတည်းက ဒါကို ဖွဲ့စည်းပုံအခြေခံဥပဒေဟာ မမှန်ကန်ဘူးဆိုတာ တောက်လျှောက်ပြောခဲ့တယ်။ ဒါနဲ့ပတ်သက်လို့လည်း ရွေးကောက်ပွဲမ၀င်ခဲ့ဘူး။ ၀င်မယ်လို့ စလုပ်တော့လည်း နိုင်ငံရေးအကျဉ်းသားအားလုံး လွှတ်ပေးရမယ်။ ၂၀၀၈ ဖွဲ့စည်းပုံအခြေခံဥပဒေသည် အချိန်အခါအားလျော်မှာ ပြင်ရမယ်ဆိုတာ မူအားဖြင့် သဘောတူခဲ့တယ်။ နောက် ၁၉၉၀ ရွေးကောက်ပွဲ ရလဒ်ကို လည်း အသိအမှတ်ပြုမယ်ဆိုတာကြောင့် ရွေးကောက်ပွဲဝင်ခဲ့တာဖြစ်ပါတယ်။ အခုလည်း ကျနော်တို့ ၂၀၁၁ ဧပြီမှာလုပ်တဲ့ ကြားဖြတ်ရွေးကောက်ပွဲမှာလည်း ၂၀၀၈ ဖွဲ့စည်းပုံအခြေခံဥပဒေကို ပြင်ဆင်ရမယ် ဆိုတာလည်း ပြင်းပြင်းထန်ထန် တောင်းခံခဲ့တာဖြစ်ပါတယ်။ ဒါကြောင့် ဒီလိုအဆိုတင်သွင်းတာသည် ၂၀၀၈ ဖွဲ့ စည်းပုံအခြေခံဥပဒေကို ပြန်လည်ပြင်ဆင်ပြီးတော့ သို့မဟုတ် ပြန်လည်ပြီး တချို့အချက်အလက်တွေနဲ့ ပတ်သက်တာကို ပြန်သုံးသပ်ပြီး ဒီမိုကရေစီစနစ်နဲ့မညီတာ အားလုံးကို ပြုပြင်ပြောင်းလဲမယ်၊ ဖျက်သိမ်းမယ် ဆိုတဲ့ သဘောသက်ရောက်လို့ ကြိုဆိုပါတယ်။”
ဦးခင်မောင်ဆွေ (အမျိုးသားဒီမိုကရေစီ အင်အားစုပါတီ ဥက္ကဋ္ဌ)
အန်ဒီအက်ဖ်ပါတီရဲ့ မူဝါဒမှာကိုက အခြေခံဥပဒေပြင်ဖို့ဆိုတာ ပါတယ်။ ရွေးကောက်ပွဲမ၀င်ခင်၊ ပါတီမထောင်ခင် ကတည်းက ရေးထားတဲ့ မူဝါဒမှာ ပါပါတယ်။ အင်အားကြီး ပါတီတခုက ကော်မတီ၊ ကော်မရှင်ဖွဲ့ဖို့ကို ပြောလာပြီ ဆိုတော့ အခြေခံဥပဒေက ဒီမိုကရက်တစ်ဖြစ်ဖို့လိုတယ်ဆိုတာ လက်ခံလိုက်ပြီဆိုတဲ့သဘော ဖြစ်ပါတယ်။ ကျနော်တို့ကလည်း ရွေးကောက်ပွဲ ၀င်ပြီးမှာသာလျှင် အခြေခံဥဒေကို ပြင်လို့ရမယ်။ အတွင်းက ၀င်ပြင်မှသာ လျှင် အကျအဆုံးနည်းနည်းနဲ့ ထိရောက်မယ်ဆိုတဲ့ အယူအဆဟာ မှန်သွားပြီဆိုတာ လည်း ပေါ်လွင်သွား တာပေါ့။ အင်အားကြီးပါတီက အခြေခံဥပဒေပြင်ရေး တင်တဲ့ဟာကိုလည်း ကျနော်တို့ ၀မ်းသာပါတယ်။ ပြည်သူ လူထုဆန္ဒကို မလွန်ဆန်ဘူး၊ ဒီမိုကရေစီအပြောင်းအလဲကို တကယ်သွားမယ်ဆိုတဲ့ ရည်ရွယ်ချက်ကို ကိုင်စွဲလာပြီ ဆိုတာ တနည်းအားဖြင့် ပြည်သူတွေအတွက် ၀မ်းသာကြောင်း ပြောချင်တယ်။
သခင်ချန်ထွန်း (၀ါရင့်နိုင်ငံရေးသမားကြီး)
“ပြန်ပြင်ဖို့ ပြန်လည် စိစစ်တာဟာ ဒါအင်မတန်ကောင်းတဲ့လုပ်ငန်းပဲ။ အဲအဆိုကို ဘဘတို့ ကြိုဆိုပါတယ်။
ထောက်ခံပါတယ်။ အခြေခံဥပဒေထဲမှာက အများကြီးပြင်စရာတွေပါနေတယ်လေ။ အထူးသဖြင့် စစ်တပ်နဲ့
ပတ်သက်ပြီး စဉ်းစားစရာတွေ၊ ဆွေးနွေးစရာတွေ ပိုများတယ်လို့ ဆဒီလိုပဲတွက်တယ်။ ပြင်ဖို့ ဒီလိုအဆို တင်သွင်းလိုက်တာကို အားလုံးလက်ခံပြီးတော့ ဆွေးနွေးကြမယ်ဆိုရင် ဒါကြိုဆိုဖို့ကောင်းတဲ့ လုပ်ငန်း ရပ်လို့တွက်ပါတယ်။”
ဒေါက်တာအေးမောင် (ရခိုင်တိုင်းရင်းသားများ တိုးတက်ရေးပါတီ ဥက္ကဋ္ဌ)
“အစိုးရက ဖွဲ့စည်းပုံအခြေခံဥပဒေကို ပြန်သုံးသပ်တဲ့ကာလမျိုးမှာ စစ်မှန်တဲ့ ပြည်ထောင်စု တည်ဆောက်တဲ့ ပုံသဏ္ဌာမျိုးဖြစ်အောင် ဖန်တီးတဲ့ အဖွဲ့အစည်းမျိုးဖြစ်အောင် သုံးသပ်နိုင်တဲ့ ဖွဲ့စည်းပုံကို ပြန်သုံးသပ်တာမျိုးဆိုရင် လူထုကလည်း ထောက်ခံနိုင်တယ်။ နိုင်ငံရေးပါတီတွေကလည်း လိုက်ပါလာနိုင်တယ်။ အခုလို ငြိမ်းချမ်းရေးတည်
ဆောက်နေတဲ့ ကာလမျိုးမှာ တောင်းဆိုနေကြတဲ့ တန်းတူအခွင့်အရေးတွေပါတဲ့ ဖွဲ့စည်းပုံမျိုးဖြစ်အောင် ပြောင်း လဲ ပုံဖော်နိုင်မယ်ဆိုရင် တပ်မတော်ရဲ့ အနေအထားကိုလည်း တပ်မတော်ဆိုတဲ့ ကဏ္ဍတခုတည်းကို အာရုံစူး စိုက်တဲ့အဖွဲ့အစည်းဖြစ်အောင် ပုံဖော်နိုင်တယ်ဆိုရင် ပိုပြီးတော့ ကောင်းပါတယ်။
စိုင်းညွန့်လွင် (ရှမ်းတိုင်းရင်းသားများ ဒီမိုကရေစီအဖွဲ့ချုပ် အထွေထွေအတွင်းရေးမှူး)
“ကြိုဆိုပါတယ်။ ကျနော်တို့ ယုံကြည်ရာကို သူတို့လိုက်ပြီး ယုံကြည်လာတဲ့ သဘောပဲဖြစ်ပါတယ်။ လက်ခံတယ်။ ပူးပေါင်းပြီးဆောင်ရွက်ဖို့ ကမ်းလှမ်းလာရင်လည်း အဆင်သင့်ပါပဲ။ ဒီကော်မတီတွေ၊ ကော်မရှင်တွေဖွဲ့ဖို့အဓိက နိုင်ငံရေးပါတီတွေနဲ့ ဆွေးနွေးသင့်ပါတယ်။ အပစ်ရပ်စဲထားတဲ့ လက်နက်ကိုင်အဖွဲ့အစည်းတွေ နဲ့ ဆွေးနွေး သင့်ပါတယ်။
ဦးဂျင်မီ- ၈၈မျိုးဆက်(ငြိမ်းချမ်းရေးနဲ့ ပွင့်လင်းလူ့အဖွဲ့အစည်း)
“ဒါက ပြုပြင်ပြောင်းလဲရေး တကယ်ဖြစ် မဖြစ်တော့ မသိဘူးပေါ့။ ဒါပေမယ့် အဆိုပြုတဲ့သူက သူရဦးအေးမြင့်။
ထောက်ခံတဲ့သူက ဦးသိန်းဇော်။ ဒါက လက်ရှိ အာဏာရပါတီက စတင် လှုပ်ရှားလာတဲ့ အဓိပ္ပာယ်ပေါ့။ ဖွဲ့စည်းပုံ အခြေခံဥပဒေကိုလေ့လာသုံးသပ်ဖို့ ကော်မတီ၊ ကော်မရှင်ဖွဲ့ဖို့ အဆိုဟာ စစ်စစ်မှန်မှန် အဆိုဖြစ်ဖို့တော့ လိုတယ်။ ကော်မရှင်မှာလည်း ဘယ်ဟာတွေ ပြင်သင့်တယ်။ ဘယ်ဟာတွေ အမြန်ပြင်သင့်တယ် ဆိုတာမျိုး အဖြေတွေထွက်ဖို့ကတော့ ဒီမိုကရေစီအင်အားစုတွေ အများကြီးပါဖို့ လိုတယ်။ ဆိုလိုချင်တာက ဒါကို စီးပွား ရေးပြေလျော့အောင်၊ ဖိအားတွေပြေလျော့အောင်ပဲ အရင်ကလို လုပ်ဖို့ မသင့်ဘူး။ တကယ်ပြုပြင်ပြောင်းလဲဖို့ လုပ်တယ်ဆိုရင်တော့ ဒါကြိုဆိုရမှာပါ။" __ဒီဗွီဘီ (မတ်လ ၁၅ ရက်)။
ထောက်ခံတဲ့သူက ဦးသိန်းဇော်။ ဒါက လက်ရှိ အာဏာရပါတီက စတင် လှုပ်ရှားလာတဲ့ အဓိပ္ပာယ်ပေါ့။ ဖွဲ့စည်းပုံ အခြေခံဥပဒေကိုလေ့လာသုံးသပ်ဖို့ ကော်မတီ၊ ကော်မရှင်ဖွဲ့ဖို့ အဆိုဟာ စစ်စစ်မှန်မှန် အဆိုဖြစ်ဖို့တော့ လိုတယ်။ ကော်မရှင်မှာလည်း ဘယ်ဟာတွေ ပြင်သင့်တယ်။ ဘယ်ဟာတွေ အမြန်ပြင်သင့်တယ် ဆိုတာမျိုး အဖြေတွေထွက်ဖို့ကတော့ ဒီမိုကရေစီအင်အားစုတွေ အများကြီးပါဖို့ လိုတယ်။ ဆိုလိုချင်တာက ဒါကို စီးပွား ရေးပြေလျော့အောင်၊ ဖိအားတွေပြေလျော့အောင်ပဲ အရင်ကလို လုပ်ဖို့ မသင့်ဘူး။ တကယ်ပြုပြင်ပြောင်းလဲဖို့ လုပ်တယ်ဆိုရင်တော့ ဒါကြိုဆိုရမှာပါ။" __ဒီဗွီဘီ (မတ်လ ၁၅ ရက်)။
0 မှတ်ချက်များ for "၂၀၀၈ အခြေခံဥပဒေ ပြန်သုံးသပ်မည့်အပေါ် အမြင်သဘောထားများ"