အကျဉ်းထောင် တိုက်ခိုက်ခံရ၍ နိုင်ဂျီးရီးယား အကျဉ်းသားများ လွတ်မြောက်သွား

9:29 AM | : သတင်း, နိုင်ငံတကာ | :Unknown

နိုင်ဂျီးရီးယားနိုင်ငံ အရှေ့ပိုင်းမှာ လက်နက်ကိုင်တွေ က အကျဉ်းထောင်တခုရဲ့ ဂိတ်ကို ဖြိုချပြီး ထောင်
ဖေါက်ပေးလိုက်တဲ့ အတွက် အကျဉ်းသား ၁၂၀ ကျော် ထွက်ပြေးလွတ်မြောက်သွားပါတယ်။

သေနတ်ပစ်ခံရပြီး ဒဏ်ရာရသွားတဲ့ အကျဉ်းသား တဦးပဲ ကျန်ရစ်တယ်လို့ အဲဒီဒေသက အကျဉ်း ဦးစီး ဌာန အကြီးအကဲက ပြောပါတယ်။

အဲဒီ အကျဉ်းထောင်ဟာ ကဲန်မရွန်းနိုင်ငံနဲ့ ကပ်ရက် နယ်စပ်ဒေသအနီးမှာ ဂဲန်ယီမြို့မှာ လက်နက်ကိုင်တွေ ပစ်မှတ်ထား တိုက်ခိုက်ခဲ့တဲ့ နေရာ အတော်များများ ထဲက တခုဖြစ်ပါတယ်။ ဘဏ်တခုနဲ့ အနည်းဆုံး အရက် ဘားတခုလည်း တိုက်ခိုက်ခံခဲ့ရပါတယ်။

ဒီတိုက်ခိုက်မှုတွေကို Boko Haram အစ္စလာမစ် လက်နက်ကိုင်အဖွဲ့က လုပ်ခဲ့တာ ဖြစ်ပြီး လူ၂၅ ဦး သေဆုံး ခဲ့တယ်လို့ ရဲတွေက ပြောပါတယ်။

တိုက်ခိုက်မှုတွေဟာ သောကြာနေ့ညနှောင်းပိုင်းက ဖြစ်ပွားခဲ့တာ ဖြစ်ပေမယ့် ဖြစ်ပျက်ပုံ အသေးစိတ် အချက်အလက်တွေက အခုမှ ထွက်ပေါ်လာတာ ဖြစ်ပါတယ်။