NATO တိုးမြှင့်လှုပ်ရှား လာနေမှုနှင့်ပတ်သက်ပြီး အကြောင်းပြချက်ပေးဖို့ ရုရှားတောင်းဆို
အရှေ့ ဥရောပမှာ နေတိုး အဖွဲ့ရဲ့ လှုပ်ရှားမှုတွေ တိုးမြှင့်လာတာ ဘာကြောင့်လဲ ဆိုတဲ့ အဖြေကို ပေး ဖို့ ရုရှား နိုင်ငံခြားရေး ဝန်ကြီး ဆာဂေရီ လက်ဗ်ရော့ဗ်က တောင်းဆိုလိုက်ပါတယ်။
သူတို့ သဘောတူညီ ထားခဲ့တာတွေ အပေါ် အလေး အနက် အခြေခံပြီး နေတိုးဘက်က အဖြေပေး လိမ့်မယ်လို့ မျှော်လင့်ကြောင်းလည်း မစ္စတာ လက်ဗ်ရော့ဗ်က ပြောပါတယ်။
နေတိုးအဖွဲ့ဟာ ယူကရိန်း အရှေ့ပိုင်း နယ်စပ်မှာ ရုရှား တပ်ဖွဲ့ လှုပ်ရှားမှုတွေရဲ့ အရေးကြီးမှုကို ချဲ့ကား ပြော တယ်လို့လည်း သူက စွပ်စွဲပါတယ်။
နေတိုး အဖွဲ့ ထိပ်တန်း တပ်မှူးကြီး ဗိုလ်ချုပ်ကြီး Philip Breedlove ကတော့ နေတိုး အဖွဲ့ရဲ့ ကာကွယ်ရေး အင်အားကို ပိုမို ဖြည့်တင်းပေးထားကြောင်း၊ ရုရှားဘက်က ရှေ့ဆက်တိုးရင် ၁၂ နာရီအတွင်း နေတိုးဘက် က တိုက်ခိုက်နိုင်ကြောင်း ပြောပါတယ်။
ရုရှား တပ်ဖွဲ့တွေ ဆုတ်ခွာသွားတယ် ဆိုတဲ့ သတင်း တွေကိုတော့ သူ့အနေနဲ့ အတည်မပြုနိုင်ဘူးလို့ ဗိုလ်ချုပ်ကြီး Philip Breedlove က ပြောပါတယ်။___ဘီဘီစီ
0 မှတ်ချက်များ for "NATO တိုးမြှင့်လှုပ်ရှား လာနေမှုနှင့်ပတ်သက်ပြီး အကြောင်းပြချက်ပေးဖို့ ရုရှားတောင်းဆို"