အလှူငွေ လျော့ချ မှုကြောင့် နယ်စပ် ဘော်ဒါေ ဆာင်အချို့ ပိတ်ဖွယ်ရှိ
အလှူရှင် တွေနည်းသွားတာကြောင့် ကရင်ပြည်နယ် တဖက်ကမ်း ထိုင်းနိုင်ငံ တာ့ခရိုင်မဲဆောက်၊ ဖိုးဖရ၊ မယ်ရမ၊ အုန်းဖန်း မြို့နယ်တွေမှာရှိတဲ့ ဘော်ဒါဆောင် ထား ရွှေ့ပြောင်း မြန်မာကျောင်း ၃၀ ကျော် အခက်အခဲ ကြုံနေကြရတာပါ။
ဒေါက်တာ စင်သီယာမောင်က “ဘ္ဒောါဆောင်ကို ပေးတဲ့အဖွဲ့အစည်းတွေကတော့ နယ်သာလန်တို့ အမေရိကားတို့အားလုံး စုပြီးတော့ ပေးကြတဲ့ အစီအစဉ်ပေါ့။ဒီဘောဒါဆောင်တွေမှာရှိတဲ့ ရိက္ခာဘက် ဂျက်က အခု မပြည့်မီတဲ့အတွက်ကြောင့်ကြိုပြီးတော့ အကြောင်းကြားထားတာပေါ့။အလှူငွေတွေက ၆ လစာပဲ ကျမတို့မှာ ရှိထားတယ်။ကျန်တဲ့ ၆ လအတွက်ကတော့ စိတ်မချရသေးဘူး။ ဒီနှစ်ထဲမှာတော့ကျမတို့က တဦးချင်းအလှူရှင်တွေ နည်းသွားတယ်ပေါ့။ ပြည်တွင်းထဲကိုသွားကြရတာလည်း ဖြစ်နိုင်တယ်။
ဒါမှ မဟုတ်လည်း သူတို့ စိတ်ဝင်စားတဲ့ တခြားကျောင်းတို့၊ ဆေးရုံတို့အဲဒီလိုလုပ်ငန်းစဉ်တွေ ပြောင်းတာလည်း ဖြစ်နိုင်တယ်။ ပုံမှန်အားဖြင့် အလှူရှင်ကြီးကြီးတွေက လိုအပ်ချက်ရဲ့ တဝက်ကို ပံ့ပိုးနိုင်ပြီး ကျန်တဲ့တဝက်ကတော့တဦးချင်းအလှူရှင်နဲ့ပဲ သွားရတယ်ဆိုတော့ တဦးချင်းအလှူရှင်တွေရဲ့ရန်ပုံငွေတွေကလည်း ကျမတို့ မပြည့်မီတာလည်း ရှိတာပေါ့” လို့ ပြောပါတယ်။
နယ်စပ်တလျောက်မှာ ဘော်ဒါဆောင်နေကျောင်းသူကျောင်းသားပေါင်း ၃ ထောင်လောက်ရှိပြီး ဒီကလေးတွေအတွက်လစဉ် ထိုင်းဘတ် ၉ သိန်းလောက် ကုန်ကျနေတယ်လို့ ဆိုပါတယ်။
“ကလေးတယောက်ကို ကျမတို့ လျာထားချက်ကတော့ ဆန်ဆိုရင် ၁၃ ကီလို၊ ဆီဆိုရင် ကီလိုဝက်၊ နောက် ပဲ၊အချိုမှုန့်၊ ဆားနဲ့ပေါင်းရင်ကလေး တယောက်အတွက်ကိုတလကို ဘတ် ၃၀၀ ရှိတယ်။ အခု ကလေး ၃၀၀၀ နီးပါးလောက်ကို ကူညီတာဆိုတော့ တလကို ၈သိန်းနဲ့ ၉ သိန်းကြားမှာ ကျမတို့ ရန်ပုံငွေလိုအပ်တယ်။”
မဲဆောက်မြို့ ကွယ်ကဘော ဘော်ဒါဆောင်ကျောင်းကဒါရိုက်တာ မန်းဗလစိန်ကတော့ လာမယ့် ဇူလိုင်လမှာ ကျောင်းပိတ်ရမယ့်အနေအထားဖြစ်နေတယ်လို့ ပြောပါတယ်။
“ဘော်ဒါဆောင်ရှိတဲ့ ကျောင်းတွေကိုဇူလိုင်လကျရင် ကူညီနေတဲ့ ပုဂ္ဂိုလ်တွေက ဆက်လက် မကူညီ နိုင်တော့ဘူးဆိုပြီးအခုကတည်းက ပြောလာတော့ကျောင်းကလည်းဖွင့်ပြီ၊ နွေရာသီကျောင်းပိတ်ရက်တုန်းက ပြောတယ်ဆိုရင်ကျနော်တို့က ဒီနှစ်က ပိတ်ထားရင်လည်း ပိတ်ထားရမှာ။ အခုက ဖွင့်နေပြီ ဆိုတော့ တော်တော်ခက်တာပေါ့။ ဘာနဲ့စားမလဲဒီအင်အားကကျွေးဖို့ကလည်း မလွယ်ဘူးလေ။ အလှူရှင် က သူတို့အနေနဲ့ကတော့ ရန်ပုံငွေတွေမရှိတော့လို့ ရပ်လိုက်တာပေါ့။”
ကွယ်ကဘောကျောင်းမှာကျောင်းသားဦးရေ ၄၀၀ နီးပါးရှိပြီး အများစုကတော့ ပြည်တွင်းက နယ်မြေလုံခြုံမှု အရကျောင်းတက်နိုင်တဲ့ အနေအထားမရှိလို့ လာတက်ကြရတဲ့ ကျောင်းသူကျောင်းသားတွေဖြစ် တယ်လို့ ပြောပါတယ်။
နယ်စပ်တလေ်ွာက်ရွှေ့ ပြောင်း မြန်မာကွန်မြူနတီကျောင်းပေါင်း၇၅ ကျောင်းရှိပြီးဘော်ဒါဆောင် ဖွင့် ကျောင်းတွေကတော့ ၃၀ ကျော်ရှိပါတယ်။
ဒီကျောင်းတွေကို ပုဂ္ဂလိက အလှူရှင်တွေကပဲ စာရေးအထောက်အကူ၊ အစားသောက်၊ကျောင်းဆရာ လစာ စတာတွေကို ကူညီကြနေ တာပါ။
0 မှတ်ချက်များ for "အလှူငွေ လျော့ချ မှုကြောင့် နယ်စပ် ဘော်ဒါေ ဆာင်အချို့ ပိတ်ဖွယ်ရှိ"