မြေပြို မှုကြောင့် အာဖဂနစ္စတန်မှာ လူအသေအပျောက် များပြားနေ

1:00 PM | : သတင်း, နိုင်ငံတကာ | :Unknown

အာဖဂနစ္စတန်နိုင်ငံ အရှေ့မြောက်ပိုင်းက သော ကြာနေ့မှာ မိုးသည်းထန်ရွာပြီး အကြီးအကျယ်မြေပြို မှုကြောင့် လူ ၃၅၀ သေဆုံးပြီး လူ ၂ ထောင်လောက် လည်း ပျောက်ဆုံးနေပါတယ်။

ကယ်ဆယ်ရေးသမားတွေနဲ့ ရာပေါင်းများစွာသော
စေတနာ့ဝန်ထမ်းတွေက ကယ်ဆယ်ရေး လုပ်ငန်းတွေ လုပ်ဆောင်နေကြပါတယ်။
Badakhshan ခရိုင် အာဂိုမြို့ အရှေ့မြောက်ပိုင်း ဝေး လံခေါင်သီတဲ့အရပ်မှာ ရာပေါင်းများစွာသော ဒလဟော ရွာသွန်းတဲ့မိုးကြောင့် ပေ ၃၀ ကျော် လောက်ရှိတဲ့ ရွံ့တွေနဲ့ အပျက်အစီးတွေက ရာပေါင်း များစွာသော အိမ်တွေပေါ် ပြိုကျနေတဲ့ကြားမှာ ကယ်ဆယ်ရေးသမားတွေက ရှာဖွေနေကြရတာ ဖြစ်ပါတယ်။
အသက်ရှင် ကျန်ရစ်သူတွေကို ရှာဖွေနိုင်ရေးနဲ့ ကျန်ရစ်သူတွေကို ရိက္ခာထောက်ပံ့နိုင်ရေးအတွက် အာဖဂန် ရဲတပ်ဖွဲ့ကလည်း ကူညီနေပါတယ်။ Badakhshan ခရိုင်ရဲမှူး ဗိုလ်ချုပ် Faziluddin Hayar က ကယ်ဆယ်ရေး လုပ်ငန်းတွေနဲ့ ပတ်သက်ပြီး အခုလို ပြောပါတယ်။

ကျနော်တို့ အနေနဲ့ ဒီဒေသကနေ ရွှေ့ပြောင်းကြသူတွေအတွက်ကိုပဲ ကူညီပေးနိုင်ပါတယ်။ မြေပြိုလို့ ပိတ်မိပြီး အသက်ဆုံးရှုံးရသူတွေအတွက်ကတော့ ဘာမှ လုပ်ပေးဖို့ မဖြစ်နိုင်ပါဘူး။ သူတို့ကတော့ သေကုန်ကြပါပြီ။ ကျနော်တို့မှာ ရှိတဲ့ အင်အားနဲ့ နောက်ဆုံး ကယ်ဆယ်နိုင်ခဲ့တာကတော့ အသက်ရှင် ကျန်ရစ်သူ ၇ ယောက်နဲ့ သေဆုံး သူ ၃ ယောက်တို့ပဲ ဖြစ်ပါတယ်လို့ ပြောသွားပါတယ်။
အိမ် ၃၀၀ နီးပါးလောက်ပေါ်ကို မြေပြိုကျခဲ့ပြီးနောက် လူ ၂ ထောင်လောက်ဟာ အခုချိန်ထိ သေတယ် ရှင်တယ်ဆိုတာ သဲသဲကွဲကွဲ မပြောနိုင်သေးဘူး ဆိုပြီး ခရိုင် အုပ်ချုပ်ရေးမှူး Shah Waliullah Adeeb က ပြော ပါတယ်။

နောက်ထပ် မြေပြိုကျမှုတွေကို စိုးရိမ်ရတာကြောင့် ကယ်ဆယ်ရေးလုပ်ငန်းတွေအပေါ်မှာ ခြိမ်းခြောက်မှုတွေ ရှိနေသလို အဲဒီဒေသမှာ နေထိုင်ကြတဲ့ ရာပေါင်းများစွာသော လူတွေကိုလည်း နေရာရွှေ့ပြောင်းပေးနေရ ပါတယ်။