ဓါတုလက်နက်တွေကို ဖျက်ဆီးပြီးပြီလို့ လစ်ဗျားပြော

လစ်ဗျားမှာ အင်အားပြင်း ဓါတုလက်နက် အများစုကို ဖျက်ဆီးပစ်လိုက်ပြီးပြီလို့ နိုင်ငံခြားရေး ဝန်ကြီး မိုဟာမက် အဗ္ပဒူလာဇစ်ဇ် က ကြေညာလိုက်ပါတယ်။

ဆီးရီးယား နိုင်ငံ က ဓါတုလက်နက်တွေကို စံနမူနာ အဖြစ် ဖျက်ဆီးခဲ့ပြီးတဲ့နောက် အခုလို ကြေညာလိုက် တာလည်း ဖြစ်ပါတယ်။

အရေပြား လောင်စေတက်တဲ့ အဆိပ်ငွေ့ပါ ဗုံးတွေ လက်ကျန် အားလုံးကို ပြီးခဲ့တဲ့ လကုန်တုန်းက ဖျက်ဆီး ပစ်ခဲ့ပြီးပြီလို့ မစ္စတာ အဗ္ပဒူလာဇစ်ဇ် က ပြောပါတယ်။

လစ်ဗျားမှာ ဒီလက်နက်တွေ ၁၃ တန်လောက်ရှိတယ်လို့ နိုင်ငံတကာ ဓါတုလက်နက် တားမြစ်ရေး အဖွဲ့ကို အသိပေး ကြေညာခဲ့တဲ့ ၊ ကွယ်လွန်သူ လစ်ဗျားခေါင်းဆောင်ဟောင်း ဗိုလ်မှူးကြီး ကဒါဖီလက်ထက်၊ ၂ဝဝ၄ ခုနှစ် ကတည်းက ဖျက်ဆီးမှုတွေ စလုပ်ခဲ့တာ ဖြစ်ပါတယ်။

ပြည်တွင်းစစ် ဖြစ်ခဲ့ပြီးတဲ့နောက် အစိုးရသစ်က လက်ကျန်လက်နက်တွေနဲ့ အရင်တုန်းက အသိပေး ကြေ ညာတာ မလုပ်ထားတဲ့ လက်နက်တွေကို ဂျာမနီ၊ ကနေဒါနဲ့ အမေရိကန် အကူအညီတွေနဲ့ ဆက်လက် ဖျက်ဆီးခဲ့တာဖြစ်ပါတယ်။___ဘီဘီစီ

0 မှတ်ချက်များ for "ဓါတုလက်နက်တွေကို ဖျက်ဆီးပြီးပြီလို့ လစ်ဗျားပြော"

ထင်မြင်ချက်များ နွေးဆွေး ဖလှယ်နိုင်ပါသည်။

"LIKE" နှိပ်ပါ၊ နေ့စဉ် တင်သမျှ သတင်းများကို အချိန်နှင့်တပြေးညီ ပို့ပေးမည်။

++ကယန်းသတင်းစဉ်++