မူလတန်းနှင့် အလယ်တန်းအဆင့် သင်ရိုးညွန်းတမ်း စာအုပ်ကို ပြန်လည် မွမ်းမံမည်

5:00 AM | : မြန်မာ, သတင်း | :KayanTimes

အခြေခံပညာမူလတန်းနှင့် အလယ်တန်းအဆင့်
ကျောင်းသားများအတွက် အသက်အရွယ်နှင့် လိုက်ဖက်၍ခေတ်နှင့်လျော်ညီသော သင်ရိုးညွှန်း တမ်းနှင့် သင်ရိုးမာတိကာများကို ပြုပြင်ရေးဆွဲနေ ပြီ ဖြစ်ကြောင်း ပညာရေးစီမံကိန်းနှင့် လေ့ကျင့်ရေး ဦးစီးဌာနမှ သိရသည်။

အခြေခံပညာဘာသာရပ်အားလုံးကို တိုးမြှင့်သတ် မှတ်မည့် ပညာသင်နှစ်နှင့်အညီ လက်ရှိသင်ခန်းစာ များအား လိုတိုး၊ ပိုလျှော့ချရေးဆွဲနေခြင်းဖြစ်ပြီး အခြေခံပညာသင်ရိုးညွှန်းတမ်းဌာနခွဲမှ ဦးဆောင်ရေး ဆွဲနေခြင်းဖြစ်ကြောင်း သတင်းရရှိသည်။

"အကြမ်းရေးဆွဲနေတာ ဖြစ်ပါတယ်။ ကလေးတွေ ဝန်ထုပ်ဝန်ပိုးမဖြစ်ရအောင် မလိုအပ်တာတွေကို ချုံ့ပြီး တိုးသင့်တာကို တိုးသွားမယ်။ ၅း၎း၃ စနစ်နဲ့ သင်ရင် အသင့်ဖြစ်နေအောင်လို့ပါ။ လိုတိုး၊ ပိုလျှော့လုပ်သွားမှာ ပါ ချုံ့တာကတော့ ပိုများပါမယ်။ မူလတန်းနှင့် အလယ်တန်းကို အရင်ပြုပြင် ပြောင်းလဲသွားမှာပါ" ဟု ပညာရေးစီမံကိန်းနှင့် လေ့ကျင့်ရေးဦးစီးဌာနမှ တာဝန်ရှိသူကပြောသည်။

သင်ရိုးညွှန်းတမ်းနှင့် သင်ရိုးမာတိကာများ ပြင်ဆင်ရေးဆွဲရေးနှင့်ပတ်သက်၍ ပြည်ပရောက် မြန်မာပညာ ရှင်များနှင့် ပြည်တွင်းမှ ပညာရေးကျွမ်းကျင်သူများက နယ်ပယ်စုံမှ ကျွမ်းကျင်သူများပါဝင်ဆောင်ရွက်ခွင့်ရ ရှိရန် ဆန္ဒရှိနေကြသည်။

သက်ဆိုင်ရာ နယ်ပယ်အစုံမှကျွမ်းကျင်သူများပါဝင်မှုနှင့် ပတ်သက်၍ "လောလောဆယ်တော့ မရှိသေးပါ ဘူး" ဟုအထက်ပါပုဂ္ဂိုလ်က ပြောသည်။

အခြေခံပညာ သင်ရိုးညွှန်းတမ်းနှင့် သင်ရိုးမာတိကာများကို နိုင်ငံတကာ အဆင့်မီ မြှင့်တင်ဆောင်ရွက်ရေး အတွက် လက်ရှိသင်ရိုးညွှန်းတမ်းဌာနခွဲတွင် ဝန်ထမ်းအင်အား ဖြည့်ဆည်းပေးရန်နှင့် ဝန်ထမ်း များ၏ စွမ်းဆောင်ရည်မြှင့်တင်ရန်၊ ၂ဝ၁၅ တွင် အာဆီယံ လူ့အဖွဲ့အစည်းထူထောင်မည်ဖြစ်၍ အပြန်အလှန် ဆက်သွယ်ရာတွင် အင်္ဂလိပ်ကျွမ်းကျင်မှု ရှိနေရန် လိုအပ်ချက်ရှိနေသည်။

သင်ရိုးညွှန်းတမ်း ပြုပြင်ပြောင်းလဲရေးတွင် စိန်ခေါ်မှုအနေဖြင့် သင်ခန်းစာနှင့် ကိုက်ညီသော သင်ထောက် ကူများကို လက်တွေ့ပြုလုပ် အသုံးပြုမှုအားနည်းနေပြီး အရည်အသွေးပြည့်မီသော သင်ကြားသင်ယူမှု ပစ္စည်းများအား ကျောင်းအားလုံးသို့ တစ်ပြေးညီဖြန့်ဝေပေးနိုင်မှု မရှိသေးကြောင်း အခြေခံပညာကဏ္ဍ စီမံကိန်းစာတမ်းတစ်စောင်တွင် သုံးသပ်ထားသည်။