တိုက်ပွဲကြောင့် - ငြိမ်းချမ်းရေးဖြစ်စဉ် - ပြန်လည် သုံးသပ်မည် NCCT ပြော

8:00 AM | : မြန်မာ, သတင်း | :KayanTimes

တနိုင်ငံလုံးအတိုင်းအတာနဲ့ အပစ်အခတ်ရပ်စဲရေးနဲ့ ငြိမ်းချမ်းရေးဆွေးနွေးပွဲတွေ ဖော်ဆောင်နိုင်ဖို့ အစိုးရနဲ့ လက်နက်ကိုင်တော်လှန်ရေးတပ်ဖွဲ့တွေ ကြိုးပမ်းနေကြချိန်မှာ အစိုးရတပ်မတော်က ကချင် လွတ်လပ်ရေးတပ်မတော် KIA ကို ထိုးစစ် တိုက်ခိုက်လာ၍ စစ်ရေး တင်းမာမှုတွေဖြစ်နေ တဲ့အတွက် Nationwide Ceasefire Coordination Team - NCCT အဖွဲ့ဝင် ခေါင်းဆောင်တွေက လာမယ့် မေလမှာ တွေ့ ဆုံကြဖို့ရှိကြောင်း သိရ ပါတယ်။

ဖြစ်နေတဲ့ကိစ္စက ကျနော်တို့ အဖွဲ့ဝင် တဖွဲ့ဖွဲ့ကို စစ်ရေးနည်းနဲ့တိုက်လာတဲ့အပေါ်မှာ ကျနော်တို့ကလည်း ဒါကို ပြန်လည် စဉ်းစား သုံးသပ်ဖို့ လိုတယ်လေ။ အခုက နည်းနည်းတော့ ပြဿနာရှိနေတယ်။ အခု ကချင်ဘက် မှာ ထိုးစစ်ဆင်နေတဲ့ကိစ္စနဲ့ပတ်သက်ပြီး ကျနော်တို့အတွင်းမှာ လာမယ့် တွေ့ဆုံဆွေးနွေးပွဲကို ရွှေ့ရဖို့ လိုကောင်း လိုပါလိမ့်မယ်။ တချို့ကတော့ အဲဒီတိုက်ပွဲကြောင့် အမြင်တမျိုး ဖြစ်နေကြပါတယ်။” NCCT
ခေါင်းဆောင် နိုင်ဟံသာက ပြောဆိုလိုက်ပါတယ်။

တနိုင်ငံလုံး အပစ်အခတ် ရပ်စဲရေးဆိုင်ရာ ညှိနှိုင်းရေးအဖွဲ့အနေနဲ့ ငြိမ်းချမ်းရေးမူဘောင်တွေ ချမှတ်နိုင်ဖို့နဲ့ လတ်တလောဖြစ်ပေါ်နေတဲ့ ငြိမ်းချမ်းရေးဖြစ်စဉ်တွေကို ပြန်လည်သုံးသပ်ဖို့ NCCT ခေါင်းဆောင်တွေ ထိုင်းနိုင်ငံ ချင်းမိုင်မြို့မှာ ဧပြီ ၂၆၊ ၂၇၊ ၂၈ သုံးရက် တွေ့ဆုံကြမယ်လို့ ဆိုပါတယ်။

ငြိမ်းချမ်းရေးအနေအထားတွေကို သုံးသပ်ကြမယ့် NCCT ဆွေးနွေးပွဲကနေ ရလာမယ့် ဆုံးဖြတ်ချက်တွေကို တိုင်းရင်းသားခေါင်းဆောင်တွေက ဆက်လက်အကောင်အထည်ဖော်သွားမှာဖြစ်တယ်လို့ ဦးနိုင်ဟံသာ ကပြောပါတယ်။

NCCT အဖွဲ့ကို တိုင်းရင်းသားအဖွဲ့တွေရဲ့ ထိပ်ပိုင်းခေါင်းဆောင်တွေဖြစ်တဲ့ နိုင်ဟံသာ၊ ဖဒိုစောကွယ်ထူးဝင်း၊ ဗိုလ်ချုပ်ဂွမ်မော်တို့က ဦးဆောင်ပြီး တိုင်းရင်းသားလက်နက်ကိုင်အဖွဲ့ (၁၆) ဖွဲ့နဲ့ ပေါင်းစည်းထားတာဖြစ်ပြီး လက်ရှိ တနိုင်ငံလုံးအပစ်ရပ်ရေး ညှိနှိုင်းရေးအဖွဲ့အနေနဲ့ ငြိမ်းချမ်းရေးမူဘောင်တွေ ချမှတ်နိုင်ဖို့ အစိုးရငြိမ်း ချမ်းရေးဖော်ဆောင်ရေးအဖွဲ့နဲ့ ဆွေးနွေးနေကြတာဖြစ်ပါတယ်။