ပြည်ထောင်စုအဆင့် ငြိမ်းချမ်းရေး ဖေါ်ဆောင်ရေး လုပ်ငန်းကော်မတီ နဲ့ တိုင်းရင်းသားလက်နက်ကိုင် အဖွဲ့တွေကို ကိုယ်စားပြုတဲ့ NCCT အဖွဲ့တို့ ရန်ကုန်မြို့ မြန်မာငြိမ်းချမ်းရေးစင်တာမှာ ဒီကနေ့ စတင်ဆွေးနွေးနေကြပါတယ်။
ဒီနေ့ ဆွေးနွေးပွဲမှာ ငြိမ်းချမ်းရေး ဖေါ်ဆောင်ရေး လုပ်ငန်းကော်မတီ ဒုတိယဥက္ကဌ ၀န်ကြီး ဦးအောင်မင်း၊ ဦးသိန်းဇော်၊ တပ်မတော်ကာကွယ်ရေး ဦးစီးချုပ်ဌာနက ဒုတိယဗိုလ်ချုပ်ကြီး သက်နိုင်ဝင်း အပါအ၀င် တပ်မတော်မှ ကိုယ်စားလှယ် (၈)ဦး တက်ရောက်ခဲ့ကြပါတယ်။
တိုင်းရင်းသားလက်နက်ကိုင်ဖက်ကတော့ NCCT အဖွဲ့ ခေါင်းဆောင် ဦးနိုင်ဟံသာ၊ ဖဒိုစောကွယ်ထူးဝင်း အပြင် NCCT အဖွဲ့ဝင်မဟုတ်တဲ့ အဖွဲ့ဖြစ်တဲ့ ၀ပြည်သွေးစည်းညီညွတ်ရေး တပ်မတော်(UWSA)၊ ရှမ်းပြည် ပြန်လည်ထူထောင်ရေးကောင်စီ (RCSS/SSA)၊ မြန်မာနိုင်ငံလုံးဆိုင်ရာ ဒီမိုကရက်တစ်တပ်ဦး (ABSDF) စတဲ့အဖွဲ့တို့ရဲ့ ကိုယ်စားလှယ်တွေ တက်ရောက်နေကြပါတယ်။
No comments:
Post a Comment