ဒီအပိုင်းအစတွေကို ပြင်သစ်ဂြိုဟ်တုက မတ်လ ၂၃ ရက်နေ့က ရိုက်ယူခဲ့တဲ့ပုံတွေရှိရာ နေရာမှာ တွေ့ခဲ့ ရတာဖြစ်ကြောင်း မလေးရှား ကာကွယ်ရေး ဝန်ကြီး ဟီရှာမူဒင်ဟူစိန်က ဗုဒ္ဓဟူးနေ့ သတင်းစာ ရှင်းလင်း ပွဲမှာ ပြောကြားခဲ့တာပါ။
အခုလို တွေ့ရတဲ့နေရာဟာ သြစတြေးလျနိုင်ငံ Perth မြို့ကနေ မိုင် ၁၅၀၀ ကျော် အကွာလောက်မှာ ရှိနေတယ်လို့လည်း ဆိုပါတယ်။
အခုလို အစအနတွေ တွေ့ရှိခဲ့ပေမဲ့ ပျောက်ဆုံးလေယာဉ်ရဲ့ အပိုင်းအစတွေ ဟုတ် မဟုတ် ကိုတော့ အတည်မပြုနိုင်သေးဘူးလို့ ပြောပါတယ်။
ပြင်သစ်နိုင်ငံက ထုတ်ပြန်တဲ့ ပုံရိပ်တွေအရ အချို့ အရာတွေဟာ ၂၄ မီတာကျော် ရှည်လျားတာ တွေ့ ရပါတယ်။
ရာသီဥတု ဆိုးရွာမှုကြောင့် ရှာဖွေမှုတွေ ရပ်နားခဲ့ရပြီးနောက် အခုအခါ လေယာဉ်ပျောက် ရှာဖွေရေးတွေ ပြန် စတင်ခဲ့ပါတယ်။
သြစတြေးလျ ဝန်ကြီးချုပ် Tony Abbott ကတော့ လေယာဉ်ရဲ့ အပိုင်းအစ တစ်ခုမှ ရှာလို့ မတွေ့နိုင်တော့ တဲ့၊ မျှော်လင့်ချက် မရှိတော့တဲ့ အခြေအနေအထိ ရှာဖွေရေးတွေ ဆက်လုပ်မယ်လို့ ပြောပါတယ်။
အခုချိန်အထိတော့ လွန်ခဲ့တဲ့ သီတင်း ၂ပတ်ကျော် ကတည်းက ပျောက်ဆုံးနေတဲ့ မလေးရှား လေယာဉ်ရဲ့ အပျက်အစီး အပိုင်းအစ ဘာတစ်ခုကိုမှ ရှာလို့မတွေ့သေးပါဘူး။
No comments:
Post a Comment